KAAPSE WYNTOERISMEKONFERENSIE FOKUS OP INNOVASIE

The Business of Wine & Food Tourism-konferensie, nou in sy derde jaar, word op 17 Oktober op die Spier-wynlandgoed buite Stellenbosch aangebied en die indrukwekkende paneel plaaslike en internasionale sprekers sal die tema van innovasie aanspreek.

Die Amerika-gebaseerde wynspesialis, Cathy Huyghe, is vanjaar die hoofspreker. Huyghe is’n wynskrywer vir Forbes en het ook al vir die Harvard Business Review geskryf. Ander sprekers op vanjaar se konferense sluit in Suid-Afrikaanse innovasieleier, Peter Greenwall, die talentvolle Wandile Mabaso, ’n jong, Frans-geïnspireerde sjef wat reeds wêreldwyd gereis het en tans die Johannesburgse kostoneel aan die gons het, asook sjef Kobus van der Merwe wat ’n unieke eet-ervaring met bestanddele uit die Weskus omgewing geskep het, asook Khuthala Gala-Holten, adjunk-besturende direkteur van Joe Public en Tim Harris, hoof-uitvoerende beampte van Wesgro.

Kostes beloop R4 400 (BTW uitgesluit) per persoon. Studente betaal net R1 750 (BTW uitgesluit). ’n Spesiale afslag is beskikbaar vir SAACI-, SATSA-, SITE- en Kaapstad Toerisme-lede.

Vir meer inligting oor die konferensie of om aanlyn te registreer, besoek www.wineandfood.co.za.

Advertisements

Gabriëlskloof – ‘n Syrah Towerspel

Gabriëlskloof Landgoed in die Overberg skyn in Juliemaand die kollig op ’n indrukwekkende portefeulje unieke Syrah-wyne in sy nuut omskepte Landskapskelder. Die rare vertoongeleentheid, wat ’n plattelandse middagete langs ‘n kaggelvuur insluit, sal op Saterdag, 28 Julie, plaasvind.

Che Syrah, Syrah, ’n speling op Que Sera, Sera (wat moet wees, sal wees) verwys na die natuur se onvoorspelbaarheid en die min beheer wat daar oor die wingerde en die terroir-gehalte wat in elke Gabriëlskloof Syrah vasgevang is, is. Die gesegde, Que Sera, Sera, het in die 1950s met ‘n Doris Day-liedjie bekend geraak.

Gabriëlskloof is net buite Botrivier geleë – ’n streek wat van die land se beste Syrah-wyn produseer. Die grootste deel van die landgoed lê onder Syrah aanplantings, wat die inspirasie agter Gabriëlskloof se twee Landscape Syrahs, wat die diversiteit van die terroir uitlig, was.

28 Julie se Che Syrah, Syrah sal ’n intieme kykie na Gabriëlskloof se Syrah evolusie – van beide stilistiese- en terroir perspektiewe, asook van die ouskool-dae van die Swartrivier Shiraz tot die ontluiking van die Landscape Syrahs bied. Die geleentheid bring hulde aan uitstekende wyne wat ’n totale en verrassende ommeswaai in styl ervaar het: van dig en eikehout-gedrewe, tot verfyn en terroir-gedrewe.

“Dit gaan oor ons reis om die beste plekke en die beste klone op die plaas te vind en watter kombinasie van hierdie twee die beste wyn sal lewer,” sê Gabriëlskloof se wingerdboukundige en algemene bestuurder, Barry Anderson. “Dit wentel om die leerproses van hoe om met die land te boer; om na balans tussen die groei en die vrug te kyk; en oor die verfyning wat ons uiteindelik na die beste wyne vir ons Landscape-reeks gelei het.”

Tydens die Che Syrah, Syrah geleentheid sal gaste om 11:00 met ’n wynproe van die ouer wyne verwelkom word, waartydens ’n paar internasionale skatte en ook van Gabriëlskloof se vorige-, huidige- en toekomstige aanbiedinge waardeer kan word. Dit sal ook eerstehandse insigte tydens ’n wandeling deur die Landskapskelder insluit. Die toer sal deur die eienaar, Bernard Heyns, keldermeester, Peter-Allan Finlayson, en die wynmaker, Donovan Ackermann, gelei word. Daarna sal gaste ‘n heilsame fees, wat deur Gabriëlskloof Restaurant se sjef, Frans Groenewald, voorberei word kan geniet. Dit gaan natuurlik ook met Syrah in menigte vorms en geure gepaard. Tussen die watertand keuses van tuisgemaakte soppe en heerlike nageregte, sal die ster van die dag ’n heerlike lamsbredie, getrou aan sy Overbergse wortels, wees.

 

Kaartjies is van Juniemaand af teen R450 per persoon beskikbaar en sluit die Syrah-proe in die Landskapskelder en die wintersmiddagete met gepaardgaande wyne in. Besoek Gabriëlskloof se webwerf of kontak 028 284 9865 / info@gabrielskloof.co.za vir meer besonderhede.

Delheim se Sampioen-Snuffeltog vir Natuurliefhebbers

Die Kaap se wilde sampioene steek amper weer kop uit. Maak dus seker dat jy vanjaar heelvoor in die ry is vir Delheim se eksklusiewe Sampioen-snuffeltog Opskiet-reeks! Kom leer by die meesters hoe om wilde sampioene uit te snuffel en te kook by hierdie fungi-ervaring, wat eksklusief vir nuwe- en bestaande lede van die Delheim se gereed-vir-aksie Wynklub is.

Lidmaatskap is so maklik soos 1-2-3! Kies jou 12 gunsteling Delheim-wyne, voltooi jou bestelling en jy is in! Lidmaatskap gee jou nie net toegang tot die sampioen-snuffeltog nie, maar ook ander Delheim geleenthede, kompetisies en spesiale vrystellings.

Delheim – ‘n Stellenbosch steunpilaar en die Suid-Afrikaanse pionier van sampioen-en-wyn ervarings – lê teen die Simonsberge, waar die verleidelike heerlikheid in natuurlike woude se klam grond skuil. Wanneer die weer net reg is, speel ’n stille wonderwerk – net twee maal per jaar – in die woude af: die sampioene steek kop uit.

Meeste mense is maar skrikkerig om wilde sampioene uit te snuffel, want hulle is nie seker watter geskik is om te eet nie. Die Delheim Sampioen-snuffeltog is net die geleentheid om dit te verander.

“Die voorkoms van die wilde sampioene is ’n spesiale tyd, want dis iets wat Moeder Natuur op haar eie vermag,” sê Delheim se matriarg en ervare sampioen-snuffelaar, Nora Sperling-Thiel. “Dis hoekom ons veral sensitief is oor die bewaring van ons wilde eko-stelsels op die landgoed. Ons is baie versigtig in ons benadering jeens die boerdery en ons beperk ook die hoeveelheid deelnemers aan die sampioen-uitstappies.”

Vanjaar se formaat van die Delheim Sampioen-snuffeltog Opskiet-reeks beklemtoon die uitsonderlike geleentheid deur ywerige snuffelaars tot net twee uitstappies te beperk.

Snuffelaars kry ’n kort oorsig oor watter sampioene geskik is en watter vermy moet word, die geleentheid om ’n kundige gids te vergesel op ’n eerste-van-die-seisoen snuffeltog, ’n sampioen kook-demonstrasie en ’n heilsame, fungi-gefokusde middagete met bekroonde Delheim wyne daarby.

 

Die eerste Opskiet uitstappie wat in Maart, April of Mei (afhangende van die eerste reën) sal plaasvind, sal uit ’n groep van net vier gelukkige snuffelaars – wenners van die gelukkige trekking van Delheim Wynklub-lede – bestaan. Hulle sal die geleentheid kry om metgeselle saam te neem. Dis ’n intieme byeenkoms en die tyd tussen hoë dennebome, is beslis ’n ervaring uit ’n ander wêreld.

Vir die tweede uitstappie, iewers in Junie/Julie, sal alle Delheim Wynklub-lede die geleentheid kry om te kan bespreek. Die groep sal groter wees, maar steeds die volle program teen R 650 pp insluit.

“Die bevestiging van die presiese datums sal twee dae voor die geleentheid wees – ’n vereiste wat net gemaak word met die verskyning van die sampioene,” sê Nora.

Daar is geen tyd vir um en ah nie. Delheim se Wilde Sampioen Snuffeltogte het hoogste vermelding ontvang in die Beste Wyn-ervaring kategorie in die Drinks International Wine Tourism Challenge 2017 en besprekings vir vanjaar se geleentheid sal vinnig opgeraap word.

Alle navrae en besprekings – ook om aan te sluit as Wynklub-lid met al die voordele, waaronder die Delheim Sampioen Snuffeltog Opskiet geleentheid, kan na wineclub@delheim.com gestuur word.

 

* BELANGRIK: Wilde sampioene is totaal van die natuur afhanklik en dus onmoontlik om met akkuraatheid te voorspel, veral na lang droogte-periodes. Alhoewel die Delheim-geleenthede tydens die sampioen hoogseisoen gehou word, kan die landgoed nie waarborg dat daar wel op die dag sampioene sal wees nie.

Stap in Magoebaskloof

Magoebaskloof is een van Suid-Afrika se mooiste dele en tog is daar min mense wat werklik weet wat dit het om te bied. ‘n Onlangse staproete het my liefde vir die area opnuut weer laat blom.

Die Magoebaskloof Staproete is ‘n sirkelroete van 60 km wat oor 5 dae gestap kan word. Inheemse woude, bergstrome en plantasies maak van die roete een vir die boeke. Jy kan ook kies hoe ver jy wil stap, met opsies van 2-dag roetes tot 5-dag roetes.

Wat kan jy hier sien?

Die huilklip, ‘n natuurlike rots wat soos ‘n gong klink wanneer dit met ‘n ander klip gekap word, is een van die bekende en gunsteling besienswaardighede op die roete. Net so is die dierespesies wat jy op die roete kan gewaar, baie indrukwekkend. Van samango ape, bosbokke en bosvarke tot ‘n wye verskeidenheid voëlspesies – veral in die Grootbosch Woud. Kyk ook uit vir die hoogste geplante boom ter wêreld.

Wenke:

  • Maak seker dat jy die Dokolewa poele en die Waterval Hut by jou roete insluit. Dit is twee van die mooiste dele van die roete en jy sal spyt wees as jy dit mis.
  • Die 2-dag roete is ideaal vir ‘n familie wat graag die woud wil verken. Die 5-dag roete is meer gevorderd en jy moet redelik fiks wees om hom aan te pak.

Wat om te pak:

  • ‘n Hoed is ‘n moet
  • Oordentelike stapskoene – Ek het my hi-tecs van Cape Union Mart gedra en hulle het perfek gewerk.
  • Dik kouse
  • ‘n Waterdigte baadjie – Dit raak soms mistig en mag selfs reën.
  • Ekstra klere.
  • Kos
  • ‘n Gasstofie met genoeg gas, vuurhoutjies en ‘n potjie waarin jy water kan kook.
  • Plastiekborde, bamboo eetgerei, eko-vriendelike papierservette en ‘n beker.
  • Die nodigste items vir noodhulp – Verbande, pleisters, Detol, ens.
  • Voorgeskrewe medikasie, maar ook medisyne vir allergieë, hoofpyn en naarheid.
  • ‘n Multifunksionele instrument, soos ‘n Leatherman van Awesome Tools.
  • Sonbrandroom en ‘n sonbril. Hoewel die meeste van die roete onder digte woude is, is daar wel dele waar die son jou kop warm sal brand.
  • Slaapsak en kussing.
  • Water
  • ‘n Koplig – Trappers het ‘n wye verskeidenheid waaruit jy kan kies.
  • ‘n Pak kaarte – soms kom ‘n mens vroeër by die slaapplek aan en dan wil ‘n mens bietjie speletjies speel en ontspan.
  • Indien jy kontaklense dra, kyk uit vir Dischem se oulike reispakkies met kleiner botteltjies kontaklens skoonmaakmiddel. Ek gebruik altyd die Bausch & Lomb Boston Multi-Action Solution, wat ‘n spesiale vlugpakkie is. Dit sluit selfs ‘n Zip-Lock sakkie in, wat handig te pas sal kom. Dischem het ook baie oulike ander reis items soos kleiner botteltjies sjampoe, stortseep, handeroom en meer.
  • ‘n Buff is altyd ‘n goeie item om byderhand te hê. Soms is die oggende maar nog koel. Kies jou gunsteling buff op Adventure Inc.
  • Gemaklike plakkies of sagte skoene vir wanneer jy jou stapskoene uittrek. Gewone inglip plakkies soos Cotton On se thongs, sal die ding doen.
  • ‘n Rol toiletpapier
  • ‘n Swartsak of twee
  • Jou kamera. Verkieslik iets wat lig is om te dra. ‘n GoPro is ideaal – probeer bietjie die GoPro HERO Black 5.
  • ‘n Handoek en ‘n lappie wat vinnig kan droog word.
  • ‘n Kaart van die roete
  • Twee planne van die roete – een wat jy by ‘n vriend los en ‘n ander wat jy in jou motor los.
  • Insekweerder

Vir meer inligting oor die Magoebaskloof staproete, kontak: ecotour@klf.co.za of 013 754 2724

Geskryf deur: Renate Engelbrecht

Foto krediet: Alicia Maree

Die Kruger Nationale Park

Die Kruger Nationale Park is nog altyd ‘n baie gewilde toeriste aantreklikheid – nie net vir buitelanders nie maar ook vir Suid-Afrikaners. Een van Travelling Mystery Guest se mystery guests het onlangs by Satara gebly en ‘n staptoer in die park gedoen. Soos gewoonlik het die wildtuin, met sy verskeidenheid dier- en plantspesies, nie teleurgestel nie.

IFR_0778IFR_0771IFR_0770IFR_0761IFR_0753IFR_0727IFR_0676IFR_0683IFR_0700IFR_0707IFR_0714IFR_0719IFR_0588IFR_0598IFR_0647IFR_0659IFR_0665IFR_0672IFR_0582IFR_0546IFR_0533IFR_0460IFR_0334IFR_0323IFR_0074IFR_0093IFR_0114IFR_0210IFR_0264IFR_0288IFR_0071IFR_0058IFR_0032IFR_0024DSC_0026DSC_0017DSC_0012